Eskerrik asko hor egoteagatik

Nahiz eta krisi sasoian egon, Durangoko 18. Euskal Dendak atzo ateak itxi zituen egundoko arrakastarekin. Orokorrean 14.075 lagun pasatu dira azokatik, horrek esan nahi du egunaren batezbestekoa 4.691 bizitari izan duela Euskal Dendak eta bildutako jendetzak aurreikusitakoa gainditu zuela, iaz 4.030 izan baitziren.

Aurten, Durangoko Euskal Dendak adinez nagusi egin da eta etorkizunari nolabaiteko ikusminarekin begiratzekoa. Euskal Herriko artisauek gauden egoera gaindituko dugula espero dute. Arbasok antolatuta edizio honetako slogana honakoa izan da: “Artisautza eskura” eta berriro ere Euskal Herriko artisautzaren erakusleihorik garrantzitsuena izan da. Arbasoren ustez “berriro ere Euskal Dendak jarrera oso ona eduki du, again publikoen leialtasunari esker izan da eta hori aipatu behar dugu, gero eta jente kontzietzatutagoa datorkigu eta hori dena salmentetan ikusi dugu”, baloratu zuen Arbasoko elkarteko presidenteak eta Euskal Dendaren zuzendariak, Bernat Vidalek.

Euskal Dendaren helburu nagusia artisautza tradizionala zein garaikidea bultzatzea eta merkaturatzea da, beti ere, Euskal Herrian egindakoaren zigiluaz. Profesional hauek biziraungo badute, behar-beharrezkoa da, krisi garaian, artisauen lana bertatik bertara ikusaraztea.

Esperientzia honi esker, bisitaria ohartu da lanbide zaharrak indarrean daudela, eta ez dela artisau piezen kalterako. Izan ere, piezei norberak ematen dio bizia, dela apaingarri gisa, dela egunero erabiltzeko. Pieza guztiak eskulan eta artisautza prozesuen arauak errespetatuz diseinatzen dira.

Euskal Dendak Euskal Herriko lurralde guztietako ordezkariak izan ditu. Guztira 52 erakusketari bilduko ditu, artisau arabar, baxenafar, bizkaitar, gipuzkoar, lapurtar eta nafarrak. Aurreko edizioetako kopuru antzekoa, baina nobedade moduan, aipatu behar da, aurten, hamar profesionalek lehenengoz parte hartu dutela.

Beste behin ere, Bizkaia izango da ordezkari gehien izan dituen lurraldea, 23 artisau, hain zuzen ere. Gipuzkoak 15 izan ditu, Nafarroak 10, Arabak 2 eta Nafarroa Behera eta Lapurdik bana. Sektorekako ordezkaritzari dagokionez, honakoak izan ditugu: zortzi nekazaritzako elikagaien arlokoak, bost beirakoak, bederatzi metalekoak, bat gehiago iazko edizioan baino. Halaber, zeramikako lau eta egurra lantzen duten zortzi izan dira aurtengoan. Zaharberritzaile bat ere izan da. Ehungintzari dagokionez, bederatzi erakusketari aipatu behar ditugu, eta larrugintzan bost. Halaber, denbora eta espazioa eman zaizkie koadernaketaren munduari, euskal kirolari eta kosmetikari. Birziklatutako gaiek ere erakusmahaia izan dute.

Euskal Dendaren arauetako bat bisitariak artisautza tradizionalean murgiltzea da. Asmoa baita antzinako lanbideak ezagutaraztea eta horietan sakontzea. Horregatik bada, edizio bakoitzean, bertan, zuzeneko erakustaldien alde egin da. Horixe baita, azoka honen zutabeetako bat, eta aurten ere izan dira han bertan artisauen erakustaldiak, izugarri arrakastarekin.

Euskal Denda joan da jada, eta Arbasok datorrenari begiratzen dio eta larte betiko ditu eta lan egiten hasi da jada.

Eskerrik asko etortzeagatik eta gurekin izateagatik.